வேலை வேலையைப் போல் இருக்கக் கூடாது. அது உற்சாகமாக உல்லாசமாகப் பொழுது போவதே தெரியாமல் இருக்க வேண்டும். அதனாலேயே எங்கள் கூட்டத்தில் எல்லோரும் ஸ்டீபன் அண்ணாச்சியோடு வேலைக்குப் போக ஆசைப்படுவோம்.
அப்பா டெய்லர். ஒருகாலத்தில் உண்ணவும் உறங்கவும் நேரம் இருக்காது. பண்டிகை நாட்களில் அப்பாவின் கடையில் ஐந்து பேர் ராத்திரி பதினோரு மணி வரைக்கும் துணி அடித்துக்கொண்டேயிருப்பார்கள். அப்போது பெரும்பாலான கடைகளில் இருப்பதுபோல டேப் ரிக்கார்டர் எதுவும் எங்கள் கடையில் இல்லை. தையல் மிசினின் கட கட சத்தம்தான் அவருக்குப் பியானோ இசை போல. அளவு எடுப்பது, அதை அதற்கான நோட்டில் பெயர் எழுதிக் குறிப்பெடுப்பது, பெரிய மேஜையில் அளவுக்கு ஏற்றவாறு டெய்லர்ஸ் சாக்கில் வரைந்து துணிகளை வெட்டுவது, நூல் தேர்வு, காலர் கேன்வாஸ் கட்டிங், காஜா, பட்டன் தேர்வு எல்லாவற்றிலும் ஒரு நேர்த்தி. எந்நேரமும் கழுத்தில் டேப். விட்டால் டேப்போடு தூங்கிவிடுவார். தொழிலை அந்த அளவுக்கு நேசித்துச் செய்வார். தைக்க வரும் துணிகளின் ஒரு சிறு துண்டை குறிப்பெடுக்கும் நோட்டில் வெட்டி, ஸ்டாப்ளர் அடித்து வைக்கும் பழக்கத்தை எங்கள் பகுதியில் அறிமுகப்படுத்தியது அவர்தான். சட்டை பேண்ட் இரண்டிலும் ஸ்பெஷலிஸ்ட். அதற்கெனத் தனியே நாலு கேட்டலாக்குகள் இருந்தன. புதியப் புதிய மாடல்கள். தெரியாதவற்றைத் தாட்சணியமின்றி நிராகரித்துவிடுவார்.
This content is locked. Only accessible for Registered Users.
If your aren't registered yet, then
