நிழல் நாய் – இலட்சுமணன் பிரகாசம்

Art by : Negizhan

 

தான் பிறந்தது முதல் வளர வளர

அந்த நாய்

என்னை அடையாளம் கண்டு கொள்கிறது.

உற்றுப் பார்க்கிறது.

என் முகத்தை, எனது வாசனையை உணர்ந்து கொள்கிறது.

பேசுகிறது,

நானும் அதனோடு பேசுகிறேன்

அதனோடு விளையாடுகிறேன்.

வாலை வாலை ஆட்டுகிறது.

ஒடி வருகிறது,

மடியில் தாவுகிறது.

நக்கிக் கொடுக்கிறது.

எல்லாமும் செய்கிறது.

வெட்டவெளியில் மூத்திரம் பெய்கிறது

வெட்டவெளியில் மலம் கழிக்கிறது

வெட்டவெளியில் புணர்கிறது

வெட்டவெளியில் வெயிலில் விளையாடுகிறது.

வெட்டவெளியில் பிற நாய்களோடு சண்டையிடுகிறது

 

மழைக் காலத்தில்

என் வீட்டு முற்றத்திற்குள்

வந்துவிடுகிறது.

அது ஒரு நாய்.

அது ஒரு கறுப்பு நாய்

அது ஒரு ஆண் நாய்

அல்லது உங்களுக்கு விருப்பமான ஒரு பெண் நாய்.

அதுவொரு குறைக்கும் நாய் / அதுவொரு கடிக்கும் நாய்

மற்றபடி அதன் நிழல் கூட நாய்தான்.

♦ latchumanaprakasam@gmail.com

Zeen is a next generation WordPress theme. It’s powerful, beautifully designed and comes with everything you need to engage your visitors and increase conversions.

Top 3 Stories

Telegram
WhatsApp
FbMessenger
error: Content is protected !!