என் கருங்கூந்தலை விரித்து
விரல்களை நுழைக்கிறாள்
என் தோள்களில்
நேசக்கரங்களை உணர்கிறேன்
ஆண்கள் செய்த வேலைதான்
பெண்ணும் செய்கிறாள்
உச்சியில் கூந்தலை முறுக்கி முடிகிறாள்
புறடியைப் பின்புறமாகச் சாய்த்து
கூந்தலை அலசிப் பிழிந்து
ஈரம்போக உலரவைக்கிறாள்
வடிவ விளிம்புகளில் நுழைந்த
கத்தரி அவள் பேச்சைக் கேட்டது
நறுக்கிய முடியைத் தேடுகிறேன்
தரையெங்கும் கருந்தட்டான்கள்
மழுப்பும் சிரிப்போடு
கூந்தலைப் பிடித்திழுத்து நீட்டித் தேய்க்கிறாள்
விரித்துப்போட்ட கூந்தல் ஸ்பகத்தியாய்
நிமிர்ந்து நின்றது
பிறகு வாரிச்சுருட்டுகிறாள்
யானையின் துதிக்கைகள்
தோள்களில் விழுந்துகிடக்கின்றன
